Գագիկ Ծառուկյանին պատկանող ընկերությունը՝ Երևանի քաղաքապետարանի խոշոր մատակարար
Հայաստանի պետական կառավարման համակարգի ամենախնդրահարույց կողմերից մեկը մշտապես եղել է պետական գնումների ընթացակարգը: Փորձել ենք պարզել, թե ինչ փոփոխություններ են եղել 2018 թվականի մայիսին տեղի ունեցած հեղափոխությունից հետո և ինչպես է հեղափոխական կառավարությունն ազդել պետական գնումների համակարգի թափանցիկ գործելաոճին: Այդ նպատակով որոշեցինք ուսումնասիրել, թե վերջին երեք տարիների ընթացքում ինչ է փոխվել Երևանի քաղաքապետարանի խոշոր մատակարաների ցանկում: Հատկանշական է, որ քաղաքապետարանի գնումների առաջին խոշոր ուղղությունը շենքերի, շինությունների վերանորոգման ու կառուցման աշխատանքներն են:
Պետական մարմինների գնումների հաշվետվողականության armeps.am համակարգում առկա տվյալների համաձայն՝ 2017 թվականին Երևանի քաղաքապետարանը կնքել է 810 պայմանագիր: Որպես 2017թ.-ի խոշորագույն մատակար նշված է «ԴԱՎԻԹՇԻՆ» ՍՊԸ-ն: Ընկերությունը հիմնադրվել է 2011 թվականին, իսկ հիմնադիրը Արթուր Կիրակոսյանն է, որի լիազորությունները դադարեցված են: Կնքված պայմանագրերից մեկի ընդհանուր գումարը բաժնում նշված է 752 միլիոն դրամ, սակայն այն մանրամասն ուսումնասիրելիս պարզվում է, որ արժեցել է 752 հազար դրամ: Այս վրիպակին ժամանակին անդրադարձել էր նաև Հետքը: Ըստ այդմ՝ 2017-ին ամենախոշոր մատակարարը եղել է ԱՎԱ-2000 ՍՊԸ-ն: Այս ընկերության հետ Երևանի քաղաքապետարանը 2017-ին կնքել է երկու պայմանագիր՝ 372 995 280 դրամ և 19 765 350 դրամ արժողությամբ:
Պետական մարմինների գնումների հաշվետվողականության armeps.am համակարգում առկա տվյալների համաձայն՝ 2017 թվականին Երևանի քաղաքապետարանը կնքել է 810 պայմանագիր: Որպես 2017թ.-ի խոշորագույն մատակար նշված է «ԴԱՎԻԹՇԻՆ» ՍՊԸ-ն: Ընկերությունը հիմնադրվել է 2011 թվականին, իսկ հիմնադիրը Արթուր Կիրակոսյանն է, որի լիազորությունները դադարեցված են: Կնքված պայմանագրերից մեկի ընդհանուր գումարը բաժնում նշված է 752 միլիոն դրամ, սակայն այն մանրամասն ուսումնասիրելիս պարզվում է, որ արժեցել է 752 հազար դրամ: Այս վրիպակին ժամանակին անդրադարձել էր նաև Հետքը: Ըստ այդմ՝ 2017-ին ամենախոշոր մատակարարը եղել է ԱՎԱ-2000 ՍՊԸ-ն: Այս ընկերության հետ Երևանի քաղաքապետարանը 2017-ին կնքել է երկու պայմանագիր՝ 372 995 280 դրամ և 19 765 350 դրամ արժողությամբ:
Թվով երկրորդ խոշոր մատակարարը 2017-ին եղել է Նարիմանյան ՍՊԸ-ն: Ընկերությունը հիմնադրվել է 1997 թվականին: Այս ընկերության հետ Երևանի քաղաքապետարանը երկու պայմանագիր է կնքել՝ 356 466 000 և 23 958 000 դրամ արժողությամբ: Առաջին պայմանագիրը կնքվել է հունվարի 31-ին։ Կատարվել են Երևան քաղաքի փողոցների, մայթերի ասֆալտաբետոնյա ծածկի վերանորոգման աշխատանքներ: Երկրորդ պայմանագիրը կնքվել է մարտի 9-ին։ Ընկերությունը կրկին կատարել է նույնատիպ աշխատանք՝ այս անգամ Շենգավիթ վարչական շրջանում: Երկուսն էլ ընտրվել են բաց մրցույթի ընթացակարգով:
Ըստ Հետք-ի՝ այս ընկերությունը պատկանում է Երևանի ավագանու 2009 թվականի ընտրություններին ՀՀԿ-ից առաջադրված թեկնածու Արթուր Առստամյանի կնոջը՝ Ադելինա Գրիգորյանին: Արթուր Առստամյանը նաև «Շինարարություն, բարեկարգում» ՓԲԸ-ի տնօրենն է: 2017-ին Երևանի քաղաքապետարանի խոշոր մատակարար է եղել նաև Կապավոր ՍՊԸ-ն: Ընկերությունը հիմնադրվել է 1995 թվականին: Հիմնադիրները չորսն են, որոնցից երեքի գործունեությունը այժմ կասեցված է: Այս ընկերության հետ 2017-ին կնքվել է մեկ պայմանագիր՝ 367 000 920 արժողությամբ:
Ըստ Հետք-ի՝ այս ընկերությունը պատկանում է Երևանի ավագանու 2009 թվականի ընտրություններին ՀՀԿ-ից առաջադրված թեկնածու Արթուր Առստամյանի կնոջը՝ Ադելինա Գրիգորյանին: Արթուր Առստամյանը նաև «Շինարարություն, բարեկարգում» ՓԲԸ-ի տնօրենն է: 2017-ին Երևանի քաղաքապետարանի խոշոր մատակարար է եղել նաև Կապավոր ՍՊԸ-ն: Ընկերությունը հիմնադրվել է 1995 թվականին: Հիմնադիրները չորսն են, որոնցից երեքի գործունեությունը այժմ կասեցված է: Այս ընկերության հետ 2017-ին կնքվել է մեկ պայմանագիր՝ 367 000 920 արժողությամբ:
2018 թվականին Երևան քաղաքի առաջատար մատակարար եղել է «Խաչհար» ՍՊԸ-ն: Ընկերության և քաղաքապետարանի միջև կնքվել է մեկ պայմանագիր՝ բաց մրցույթով: Պայմանագիրը կնքվել է մայիսի 5-ին՝ նախքան Երևանի ավագանու` սեպտեմբերին կայացած արտահերթ ընտրությունները: Ընկերությունը զբաղվում է ճանապարհների և ավտոմայրուղիների շինարարությամբ և նշված պայմանագրով Երևանի տարբեր փողոցներում և բակերում կատարել է ասֆալտաբետոնային ծածկի և ճաքալցման աշխատանքներ: Տվյալ տարվա ընթացքում «ԽԱՉՀԱՐ»-ը որևէ այլ պետական կառույցի հետ չի համագործակցել: Ընկերության համահիմնադիրներն են Աշոտ Բաղդասարյանը և Գոհար Սմբատյանը, որոնց գործունեությունը ընկերությունում այժմ դադարեցված է: 2017 թվականին ընկերությունը Երևանի քաղաքապետարանի, Հայաստանի տարածքային զարգացման հիմնադրամի և ՀՀ նախագահի աշխատակազմի հետ կնքել է մեկական պայմանագիր: Խոշոր մատակարարների երկրորդ տեղում Լիլիթ-87 ՍՊԸ-ն է: Այս ընկերության հետ 2018-ին քաղաքապետարանը կնքել է մեկ պայմանագիր՝ 592 622 700 դրամ արժողությամբ: Ընկերությունն իրականացրել է Երևան քաղաքի փողոցների, բակային տարածքների և մայթերի ասֆալտբետոնյա ծածկի վերանորոգման աշխատանքներ: Երրորդ տեղում Արհովշին ՍՊԸ-ն է: Այս ընկերության հետ կնքվել է երեք պայմանագիր՝ 373 464 720, 162 990 300 և 8 989 800 դրամ արժողությամբ: Երեքն էլ նախքան Երևանի ավագանու ընտրությունները՝ փետրվար, մարտ և ապրիլ ամիսներին: Մատուցվել են նույնաբնույթ ծառայություններ:
2019 թվականին Երևանի քաղաքապետարանի մատակարարների շարքում առաջատար է «Արհովշին» ՍՊԸ-ն: Կնքվել է 8 պայմանագիր, որոնցից վեցը բաց մրցույթով, երկուսը՝ հրատապ բաց մրցույթով:
2019 թվականին Երևանի քաղաքապետարանի մատակարարների շարքում առաջատար է «Արհովշին» ՍՊԸ-ն: Կնքվել է 8 պայմանագիր, որոնցից վեցը բաց մրցույթով, երկուսը՝ հրատապ բաց մրցույթով:
«Արհովշինը» Երևանի տարբեր փողոցներում, բակերում և վարչական շրջաններում իրականացրել է ասֆալտաբետոնային ծածկի, զբոսայգու ջրավազանի, բակային տարածքների, խաղահրապարակների նորոգման և բազմաբնակարան շենքերում մուտքերի հին դռների ապամոնտաժման և նորի տեղադրման աշխատանքներ: Նույն տարում ընկերությունը 5 պայմանագիր է կնքել «Հայաստանի տարածքային զարգացման հիմնադրամի» հետ, կատարել է ոռոգման խողովակաշարի կառուցման հետ կապված աշխատանքներ, իսկ 1 պայմանագրով էլ, որ կնքվել է Վեդիի համայնքապետարանի հետ, համայնքի Պ. Սևակի փողոցում իրականացվել է ասֆալտապատման աշխատանքներ: 2018 թվականին այս ընկերությունը կնքել էր 7 պայմանագիր, որոնցից երեքը Երևանի քաղաքապետարանի, երկուսը՝ «Հայաստանի տարածքային զարգացման հիմնադրամի», մեկը՝ ՀՀ բարձր տեխնոլոգիական արդյունաբերության նախարարության, իսկ ևս մեկը Արմավիրի համայնքապետարանի հետ: 2017 թվականին «Արհովշինը» կնքել էր 28 պայմանագիր, որոնցից 11-ը Երևանի քաղաքապետարանի հետ: Ընկերության հիմնադիրը Մհեր Հովհաննիսյանն է, որի գործունեությունն ընկերությունում այժմ դադարեցված է:
Երևանի քաղաքապետարանի թվով երկրորդ խոշոր մատակարարը 2019-ին Ջրային կառույցների ՓԲԸ-ն է: Այս ընկերության հետ կնքվել է երկու պայմանագիր, որոնցից մեկը բաց մրցույթով և 280 000 000 դրամ արժողությամբ, մյուսը՝ հրատապ բաց մրցույթով՝ 324 000 000 դրամ արժողությամբ: Ընկերությունն իրականացրել է Երևան քաղաքի ջրային կառույցների շահագործման և պահպանման ծառայություններ: Ընկերությունը հիմնադրվել է 2009 թվականի նոյեմբերին:
2019 թվականին քաղաքապետարանի թվով երրորդ խոշոր մատակարարը «Մուլտի Մոթորս» ՍՊԸ-ն է: Այն Մուլտի Գրուպ կոնցեռնի ընկերությունններից է: Հիմնադրվել է 2008 թվականի ապրիլին: Այս ընկերության հետ կնքվել է մեկ պայմանագիր՝ 274 000 000 արժողությամբ: Իրավաբանական անձանց պետական ռեգիստրի տվյալների համաձայն՝ այս ընկերության հիմնադիրը Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանն է: Քաղաքապետարանը 274 մլն դրամով ձեռք է բերել հետևի բարձմամբ աղբատար մեքենաներ: Գնվել է 10 աղբատար մեքենա՝ յուրաքանչյուրը 27 400 000 դրամով: Ընկերությունը նույն տարում ՀՀ պաշտպանության նախարարությանը մատուցել է ավտոմեխանիկայի սպասարկման ծառայություններ:
2017, 2018, 2019 թվականներին առաջատար մատակարարների շարքում է «Էլդոգար» ՍՊԸ-ն: Հիմնադրվել է 2005 թվականին, հիմնադիրը Էդգար Էլյազյանն է: 2017 թվականին կնքվել է 7 պայմանագիր, որից մեկը հրատապ բաց մրցույթով, մնացածը՝ բաց ընթացակարգով: Ընկերությունը կատարել է Երևան քաղաքի տարբեր վարչական շրջանների մանկապարտեզների և ստեղծագործական կենտրոնների նորոգման և բազմաբնակարան շենքերի թեք տանիքների կառուցման աշխատանքներ: Նույն թվականին ընկերությունը պայմանագիր է կնքել նաև ՀՀ Սյունիքի մարզպետարանի հետ:
2018 թվականին «Էլդոգարը» կնքել է 6 պայմանագիր Երևանի քաղաքապետարանի հետ, և կատարվել են նույնատիպ աշխատանքներ, ինչ նախորդ տարի: 2019 թվականին ընկերությունը, թեև Երևանի խոշոր մատակարարների տասնյակի մեջ չի մտել, բայց քաղաքապետարանի հետ կնքել է 4 պայմանագիր, որոնց ընդհանուր գումարը կազմել է 107 մլն դրամ: Պայմանագրերով ընկերությունը Երևանի չորս վարչական շրջաններում՝ Արաբկիրում, Շեգավիթում, Մալաթիա-Սեբաստիայում և Էրեբունիում կատարել է բազմաբնակարան շենքերի վերանոոգման աշխատանքներ:
Երևանի քաղաքապետարանի թվով երկրորդ խոշոր մատակարարը 2019-ին Ջրային կառույցների ՓԲԸ-ն է: Այս ընկերության հետ կնքվել է երկու պայմանագիր, որոնցից մեկը բաց մրցույթով և 280 000 000 դրամ արժողությամբ, մյուսը՝ հրատապ բաց մրցույթով՝ 324 000 000 դրամ արժողությամբ: Ընկերությունն իրականացրել է Երևան քաղաքի ջրային կառույցների շահագործման և պահպանման ծառայություններ: Ընկերությունը հիմնադրվել է 2009 թվականի նոյեմբերին:
2019 թվականին քաղաքապետարանի թվով երրորդ խոշոր մատակարարը «Մուլտի Մոթորս» ՍՊԸ-ն է: Այն Մուլտի Գրուպ կոնցեռնի ընկերությունններից է: Հիմնադրվել է 2008 թվականի ապրիլին: Այս ընկերության հետ կնքվել է մեկ պայմանագիր՝ 274 000 000 արժողությամբ: Իրավաբանական անձանց պետական ռեգիստրի տվյալների համաձայն՝ այս ընկերության հիմնադիրը Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանն է: Քաղաքապետարանը 274 մլն դրամով ձեռք է բերել հետևի բարձմամբ աղբատար մեքենաներ: Գնվել է 10 աղբատար մեքենա՝ յուրաքանչյուրը 27 400 000 դրամով: Ընկերությունը նույն տարում ՀՀ պաշտպանության նախարարությանը մատուցել է ավտոմեխանիկայի սպասարկման ծառայություններ:
2017, 2018, 2019 թվականներին առաջատար մատակարարների շարքում է «Էլդոգար» ՍՊԸ-ն: Հիմնադրվել է 2005 թվականին, հիմնադիրը Էդգար Էլյազյանն է: 2017 թվականին կնքվել է 7 պայմանագիր, որից մեկը հրատապ բաց մրցույթով, մնացածը՝ բաց ընթացակարգով: Ընկերությունը կատարել է Երևան քաղաքի տարբեր վարչական շրջանների մանկապարտեզների և ստեղծագործական կենտրոնների նորոգման և բազմաբնակարան շենքերի թեք տանիքների կառուցման աշխատանքներ: Նույն թվականին ընկերությունը պայմանագիր է կնքել նաև ՀՀ Սյունիքի մարզպետարանի հետ:
2018 թվականին «Էլդոգարը» կնքել է 6 պայմանագիր Երևանի քաղաքապետարանի հետ, և կատարվել են նույնատիպ աշխատանքներ, ինչ նախորդ տարի: 2019 թվականին ընկերությունը, թեև Երևանի խոշոր մատակարարների տասնյակի մեջ չի մտել, բայց քաղաքապետարանի հետ կնքել է 4 պայմանագիր, որոնց ընդհանուր գումարը կազմել է 107 մլն դրամ: Պայմանագրերով ընկերությունը Երևանի չորս վարչական շրջաններում՝ Արաբկիրում, Շեգավիթում, Մալաթիա-Սեբաստիայում և Էրեբունիում կատարել է բազմաբնակարան շենքերի վերանոոգման աշխատանքներ:
Նախորդ տարի ընկերությունը համագործակցել է նաև ՀՀ արտակարգ իրավիճակների նախարարության և ՀՀ նախագահի աշխատակազմի հետ՝ կնքելով համապատասխանաբար երկու և մեկ պայմանագիր:
2020 թվականին Երևանի քաղաքապետարանի և «Էլդոգար» ընկերության միջև կնքվել է երկու պայմանագիր՝ հունիս և հուլիս ամիսներին։ Պայմանագրով նախատեսված է եղել Դավիթաշեն և Արաբկիր վարչական շրջանների բազմաբնակարան շենքերի մուտքերի մոտ կատարել վերանորոգման աշխատանքներ:
Ամփոփելով պետական գնումների համակարգում առկա տվյալների ուսումնասիրությունը՝ նկատում ենք, որ որոշ խոշոր մատակարարներ, օրինակ՝ «Դավիթշինը» Երևանի քաղաքային իշխանության փոփոխությունից հետո այլևս չեն հայտնվել խոշոր մատակարարների տասնյակում, չնայած 2019 թվականին «Դավիթշինը» մասնակցել է մեկ բաց մրցույթի և հաղթել: Պայմանագրի արժեքը կազմել է 49 896 000 դրամ: Իսկ ընթացիկ՝ 2020-ին առհասարակ որևէ մրցույթի չի մասնակցել: Փոխարենը, օրինակ, «Մուլտի Մոթորս» և «Արհովշին» ընկերությունները «բարելավել են» իրենց դիրքերը խոշոր մատակարարների շրջանում:
Հեղինակ՝ Լիլիթ Գրիգորյան
2020 թվականին Երևանի քաղաքապետարանի և «Էլդոգար» ընկերության միջև կնքվել է երկու պայմանագիր՝ հունիս և հուլիս ամիսներին։ Պայմանագրով նախատեսված է եղել Դավիթաշեն և Արաբկիր վարչական շրջանների բազմաբնակարան շենքերի մուտքերի մոտ կատարել վերանորոգման աշխատանքներ:
Ամփոփելով պետական գնումների համակարգում առկա տվյալների ուսումնասիրությունը՝ նկատում ենք, որ որոշ խոշոր մատակարարներ, օրինակ՝ «Դավիթշինը» Երևանի քաղաքային իշխանության փոփոխությունից հետո այլևս չեն հայտնվել խոշոր մատակարարների տասնյակում, չնայած 2019 թվականին «Դավիթշինը» մասնակցել է մեկ բաց մրցույթի և հաղթել: Պայմանագրի արժեքը կազմել է 49 896 000 դրամ: Իսկ ընթացիկ՝ 2020-ին առհասարակ որևէ մրցույթի չի մասնակցել: Փոխարենը, օրինակ, «Մուլտի Մոթորս» և «Արհովշին» ընկերությունները «բարելավել են» իրենց դիրքերը խոշոր մատակարարների շրջանում:
Հեղինակ՝ Լիլիթ Գրիգորյան
