Վանաձորում խոստացված ներդրումները չեն իրականացվել
Վանաձոր համայնքի ավագանին 2017 թ-ին որոշեց քաղաքի Շիրակի խճուղում գտնվող 8.5 հա հողամասը նվիրել «Ռադ Սանե Վաշամիր գրուպ» ՍՊԸ-ին։ Նպատակն այն էր, որ ընկերությունը կոմպոզիտային գազաբալոնների և կարբոնի գործարան կառուցի։
Ըստ նախնական տվյալների ընկերությունը մինչ 2019 թվականի մայիս ամիսը պլանավորում էր իրականացնել շուրջ 130 մլն ԱՄՆ դոլարի ներդրումներ: Արդյունքում մարզում կստեղծվեր մինչև 800 նոր աշխատատեղ:
2018 թ-ին կառավարությունը «Ռադ Սանե Վաշամիր գրուպ» ՍՊԸ-ին հարկային արտոնություն տվեց։ 2018թ. դեկտեմբերի 22-ին՝ գործարանի բացման արարողությանը, հիմնադիրները նշեցին, որ մինչ այդ պահը իրական ներդրումների ծավալը կազմել է ավելի քան 6 մլն ԱՄՆ դոլար, իսկ ընդհանուր ներդրումը կգերազանցի 21 մլն ԱՄՆ դոլարը։ Գործարանի աշխատանքների մեկնարկից հետո օրական արտադրողականությունը կլինի 200 բալոն, իսկ 2019թ-ին, երբ գործարանը կհամալրվի սարքավորումներով, արտադրողականությունը կհասցնեն օրական մինչև 1000 բալոն։ Ծրագրի ավարտին աշխատատեղերի քանակը կհասնի 120-ի։
Գործարանի բացումից վեց ամիս անց գործարանը դեռևս արտադրանք չուներ և մարզպետի այցի ժամանակ (2019թ. մայիսի 22) վստահեցրին, որ մոտավորապես հունիսի վերջում կունենան լայնամասշտաբ արտադրանք և աշխատակիցների թիվը կհասնի 80-ի: Բայց դեռևս հոկտեմբերին խոստումները իրականություն չէին և մնացել էին միայն օդում: 2020թ. սեպտեմբերին գործարանի գործադիր տնօրեն Արայիկ Ասրյանը Ազատությանը տված հարցազրույցում նշել է, որ օգոստոսի 27-ին վերսկսել են աշխատանքն ընդամենը 7 աշխատողով և, որ հոկտեմբերին աշխատակիցների թիվը կարող են հասցնել մինչև 30-ի: Սակայն 2021թ ապրիլին` մարզպետի այցի ժամանակ, ընկերության համասեփականատեր Արայիկ Ասրյանը նշեց, որ ունեն 15 աշխատող և մինչև սեպտեմբեր կդարձնեն 40 և ավելի:
Մեր հարցազրույցի ժամանակ (2021թ. մայիսի 19) գործարանի տնօրեն Արայիկ Ասրյանը նշեց, որ մինչ այս պահը կատարվել է մոտավորապես 4 միլիարդի(մոտ 7.5 միլիոն դոլար)ներդրում և ունեն 13 աշխատակից ու 6 թափուր հաստիք: Այսինքն` գործարանը այս պահին կարող է 19 աշխատակից ունենալ, ինչը, իհարկե, հեռու է խոստացված 120 աշխատատեղից, բայց ինչպես նկատում ենք գործարանում ունեն թափուր հաստիքներ:Նշենք նաև, որ ապրիլի 23-ին գազաբալոնների առաջին խմբաքանակը (981 օրինակ) արտահանվել է ՌԴ: Ասրյանը նշում է նաև, որ ՀՀ-ում մարդիկ չեն նախընտրում նոր արտադրության գազաբալոնները, որոնք անհամեմատելի էժան են վաճառվում մեր տարածքում, քան ՌԴ-ում: Երկրորդ խմբաքանակը կարտահանվի մի քանի օրվա ընթացքում:
Ըստ նախնական տվյալների ընկերությունը մինչ 2019 թվականի մայիս ամիսը պլանավորում էր իրականացնել շուրջ 130 մլն ԱՄՆ դոլարի ներդրումներ: Արդյունքում մարզում կստեղծվեր մինչև 800 նոր աշխատատեղ:
2018 թ-ին կառավարությունը «Ռադ Սանե Վաշամիր գրուպ» ՍՊԸ-ին հարկային արտոնություն տվեց։ 2018թ. դեկտեմբերի 22-ին՝ գործարանի բացման արարողությանը, հիմնադիրները նշեցին, որ մինչ այդ պահը իրական ներդրումների ծավալը կազմել է ավելի քան 6 մլն ԱՄՆ դոլար, իսկ ընդհանուր ներդրումը կգերազանցի 21 մլն ԱՄՆ դոլարը։ Գործարանի աշխատանքների մեկնարկից հետո օրական արտադրողականությունը կլինի 200 բալոն, իսկ 2019թ-ին, երբ գործարանը կհամալրվի սարքավորումներով, արտադրողականությունը կհասցնեն օրական մինչև 1000 բալոն։ Ծրագրի ավարտին աշխատատեղերի քանակը կհասնի 120-ի։
Գործարանի բացումից վեց ամիս անց գործարանը դեռևս արտադրանք չուներ և մարզպետի այցի ժամանակ (2019թ. մայիսի 22) վստահեցրին, որ մոտավորապես հունիսի վերջում կունենան լայնամասշտաբ արտադրանք և աշխատակիցների թիվը կհասնի 80-ի: Բայց դեռևս հոկտեմբերին խոստումները իրականություն չէին և մնացել էին միայն օդում: 2020թ. սեպտեմբերին գործարանի գործադիր տնօրեն Արայիկ Ասրյանը Ազատությանը տված հարցազրույցում նշել է, որ օգոստոսի 27-ին վերսկսել են աշխատանքն ընդամենը 7 աշխատողով և, որ հոկտեմբերին աշխատակիցների թիվը կարող են հասցնել մինչև 30-ի: Սակայն 2021թ ապրիլին` մարզպետի այցի ժամանակ, ընկերության համասեփականատեր Արայիկ Ասրյանը նշեց, որ ունեն 15 աշխատող և մինչև սեպտեմբեր կդարձնեն 40 և ավելի:
Մեր հարցազրույցի ժամանակ (2021թ. մայիսի 19) գործարանի տնօրեն Արայիկ Ասրյանը նշեց, որ մինչ այս պահը կատարվել է մոտավորապես 4 միլիարդի(մոտ 7.5 միլիոն դոլար)ներդրում և ունեն 13 աշխատակից ու 6 թափուր հաստիք: Այսինքն` գործարանը այս պահին կարող է 19 աշխատակից ունենալ, ինչը, իհարկե, հեռու է խոստացված 120 աշխատատեղից, բայց ինչպես նկատում ենք գործարանում ունեն թափուր հաստիքներ:Նշենք նաև, որ ապրիլի 23-ին գազաբալոնների առաջին խմբաքանակը (981 օրինակ) արտահանվել է ՌԴ: Ասրյանը նշում է նաև, որ ՀՀ-ում մարդիկ չեն նախընտրում նոր արտադրության գազաբալոնները, որոնք անհամեմատելի էժան են վաճառվում մեր տարածքում, քան ՌԴ-ում: Երկրորդ խմբաքանակը կարտահանվի մի քանի օրվա ընթացքում:
Հեղինակ՝ Մարինե Աքելյան
Խմբագիր՝ Տիրայր Մուրադյան
Խմբագիր՝ Տիրայր Մուրադյան
Այս հոդվածը պատրաստվել է Հանրային լրագրության կողմից իրականացվող Հայաստանի երիտասարդների հզորացում ծրագրի շրջանակում՝ Բաց հասարակության հիմնադրամների աջակցությամբ։
Նյութում արտահայտվող կարծիքները կարող են չհամընկնել ծրագրին աջակցող կողմի տեսակետների հետ։
Նյութում արտահայտվող կարծիքները կարող են չհամընկնել ծրագրին աջակցող կողմի տեսակետների հետ։
