Հեղափոխությունից հետո Երևանի քաղաքապետարանում մեկ անձից կատարված գնումների պրակտիկան նվազել է
Մեկ անձից կատարված գնումները մշտապես հանրության և լրատվամիջոցների ուշադրության կենտրոնում են, քանի որ գործընթացում մեծ է կոռուպցիայի վտանգը: Օգտվելով armeps.am և tender-monitoring.am կայքերի ներկայացրած տվյալներից՝ ուսումնասիրել ենք Երևանի քաղաքապետարանի՝ մեկ անձից կատարված գնումները վերջին մի քանի տարիներին՝ 2017, 2018, 2019 և 2020 թվականներին:
Armeps.am համակարգում առկա տվյալները թույլ են տալիս պնդելու, որ 2017 թվականին Երևանի քաղաքապետարանը մեկ անձից կատարվող գնումների ընթացակարգով կնքել է 120 պայմանագիր: Այս ընթացակարգով ամենախոշոր պայմանագիրը կնքվել է «Հայփոստի» հետ՝ 97,700,300 դրամ արժեցող: 2017 թվականի հոկտեմբերի 10-ին քաղաքապետարանը անհատ ձեռներեց Կարինե Աճեմյանի հետ կնքել է 438,000 դրամ արժեցող պայմանագիր, որով ձեռք է բերել «Բրոնզե առյուծ» հուշանվեր: Կողմերի միջև կնքվել է ևս 3 պայմանագիր, որով քաղաքապետարանը ձեռք է բերել նույնատիպ հուշանվերներ: Թեպետ գնման առարկան նույնն է՝ պայմանագրի գումարները եղել են տարբեր: Հունիսի 26-ին կնքված պայմանագրով քաղաքապետարանը ձեռք է 3 «Բրոնզե առյուծ»՝ յուրաքանչյուրը 75,000 դրամ արժողությամբ: Մյուս պայմանագրերով հուշանվերները ձեռք են բերվել յուրաքանչյուրը 73,000 դրամով:
Armeps.am համակարգում առկա տվյալները թույլ են տալիս պնդելու, որ 2017 թվականին Երևանի քաղաքապետարանը մեկ անձից կատարվող գնումների ընթացակարգով կնքել է 120 պայմանագիր: Այս ընթացակարգով ամենախոշոր պայմանագիրը կնքվել է «Հայփոստի» հետ՝ 97,700,300 դրամ արժեցող: 2017 թվականի հոկտեմբերի 10-ին քաղաքապետարանը անհատ ձեռներեց Կարինե Աճեմյանի հետ կնքել է 438,000 դրամ արժեցող պայմանագիր, որով ձեռք է բերել «Բրոնզե առյուծ» հուշանվեր: Կողմերի միջև կնքվել է ևս 3 պայմանագիր, որով քաղաքապետարանը ձեռք է բերել նույնատիպ հուշանվերներ: Թեպետ գնման առարկան նույնն է՝ պայմանագրի գումարները եղել են տարբեր: Հունիսի 26-ին կնքված պայմանագրով քաղաքապետարանը ձեռք է 3 «Բրոնզե առյուծ»՝ յուրաքանչյուրը 75,000 դրամ արժողությամբ: Մյուս պայմանագրերով հուշանվերները ձեռք են բերվել յուրաքանչյուրը 73,000 դրամով:
Նույն տարվա հոկտեմբերի 10-ին քաղաքապետարանը հուշանվերի մեկ այլ պայմանագիր է կնքել այս անգամ «Կարինե Ներսիսյան» Ֆ/Ա-ի հետ, որն արժեցել է 800,000 դրամ: Երևանի քաղաքապետարանին մատակարարվել է «Նարեկացի» և «Հայկական մագաղաթներ» անունները կրող հուշանվերներ: Ավելի ուշ՝ նույն տարվա դեկտեմբերի 13-ին կնքված պայմանագրով քաղաքապետարանը կրկին ձեռք է բերել 9 «Արգիշտի» հուշանվերներ՝ յուրաքանչյուրը 40,000 դրամ՝ ընդհանուր առմամբ՝ 360 000 դրամ:
2018 թվականին Կարինե Աճեմյանի և Կարինե Ներսիսյանի հետ, համապատասխանաբար, փետրվարի 2-ին և 27-ին քաղաքապետարանը կնքել է մեկական պայմանագիր՝ ձեռք բերելով հուշանվերներ, իսկ 2019 թվականին որևէ պայմանագիր նշյալ ԱՁ-ների հետ չի կնքվել:
2018 թվականին Կարինե Աճեմյանի և Կարինե Ներսիսյանի հետ, համապատասխանաբար, փետրվարի 2-ին և 27-ին քաղաքապետարանը կնքել է մեկական պայմանագիր՝ ձեռք բերելով հուշանվերներ, իսկ 2019 թվականին որևէ պայմանագիր նշյալ ԱՁ-ների հետ չի կնքվել:
2018 թվականին ընդհանուր առմամբ կնքվել է 822 պայմանագիր, որոնցից 174-ը մեկ անձից գնման ընթացակարգով: 174 պայմանգրերից 102-ը կնքվել են նախքան Տարոն Մարգարյանի հրաժարականը՝ հուլիսի 9-ը: Այստեղ խոշորագույն մատակարար է «Գերատեսչական շենքերի պահպանման և շահագործման» ՓԲ ընկերությունը: Այն մատուցել է էլեկտրական էներգիայի և բնական գազի մատակարարման ծառայություններ: Ընկերությունը հիմնադրվել է 1996 թվականին:
Սկսած Հայկ Մարությանի պաշտոնավարումից՝ 2018 թվականի հոկտեմբերի 13-ից, մեկ անձի հետ կնքել է 54 պայմանագիր: Այստեղ առաջատար է «Ֆակտորի Փրոդաքշն» ՍՊԸ-ն: 24 մլն դրամով ընկերությունը կազմակերպել էր Ամանորին և Սուրբ ծննդյանը նվիրված հանդիսավոր արարողությունները, վառել էր Երևանի գլխավոր տոնածառի լույսերը: 30 մլն դրամով կնքված պայմանագրով կազմակերպել էր Ամանորին նվիրված մշակութային միջոցառումներ: 2018 թվականին մեկ անձից կատարված գնումների շարքում աղմկահարույց էր հատկապես Երևանի գլխավոր տոնածառի գնումը 71 մլն դրամով, որը բազմաթիվ դժգոհությունների և հանրային քննարկումների առիթ դարձավ:
2018 թվականի դեկտեմբերի 14-ին և 25-ին քաղաքապետարանը կնքել է 2 պայմանագիր «Նաիրի Ինշուրանս» ապահովագրական ընկերության հետ: Իսկ 2017 թվականին ապահովագրական ընկերությունը հաղթել էր քաղաքապետարանի կազմակերպած բաց մրցույթում և մատուցում էր առողջության ապահովագրական ծառայություններ: 2019 թվականին կողմերի միջև որևէ պայմանագիր չի կնքվել: Ուշագրավ է, որ ընկերության բաժնետեր և խորհրդի անդամ է Լևոն Քոչարյանը՝ ՀՀ երկրորդ նախագահ Ռոբերտ Քոչարյանի կրտսեր որդին:
2018 թվականին մեկ այլ ապահովագրական ընկերության՝ «Ինգո Արմենիայի» հետ Երևանի քաղաքապետարանը կնքել է 12 պայմանագիր: 2019 թվականին կողմերի միջև կնքվել է մեկ պայմանագիր: Մարտի 1-ին կնքված պայմանագրով ընկերությունը մատուցել է ավտոտրանսպորտային միջոցների օգտագործումից բխող պարտադիր ապահովագրական ծառայություն:
2019 թվականին քաղաքապետարանի կնքած 19 պայմանագրերի շարքում կրկին առաջատար դիրքում է «Ֆակտորի Փրոդաքշնը»: Ընկերությունը զբաղվել է ամանորյա միջոցառումների կազմակերպմամբ: Ըստ էլեկտրոնային ռեգիստրի՝ ընկերության հիմնադիրները երկուսն են՝ Վազգեն Պողոսյանը և Ռուդիկ Տեր-Գալստյանը: Նշված անձինք աշխատել են «Շարմ Հոլդինգ» ՍՊԸ-ում և Հանրային հեռուստաընկերությունում: Մամուլում հաճախ շրջանառվում են խոսակցություններ այն մասին, որ ընկերության հիմնադիրները մտերիմ հարաբերություններ ունեն փոխքաղաքապետ Տիգրան Վիրաբյանի հետ: Ինքը՝ փոխքաղաքապետն ասել է, որ քաղաքապետարանում արտոնյալներ չկան, ինչի մասին վկայում է «Ֆակտորի Ֆրոդաքշնի» սև ցուցակում հայտնվելը: 2019 թվականին նշված ընկերությունը կազմակերպել է Քաղաքացու օրվան նվիրված միջոցառումները և ներկայացուցչական ծառայություններ է մատուցել Արարատի մարզպետարանին:
Մեկ այլ խոշոր պայմանագիր կնքվել է «Սթեյջ Սթայլի» ՍՊԸ-ի հետ: Ընկերությունը զբաղվել է ամանորյա զարդարանքների աշխատանքով: Խոշոր պայմանագիր է կնքված նաև «Հաէկ-Ի շինարարություն» ՓԲ ընկերության հետ ժամանակավոր կոնստրուկցիաներով վերգետնյա անցման պատրաստման համար: Մնացյալ պայմանագրերը, որոնք կնքվել են մեկ անձից գնման ընթացակարգով, հիմնականում վերաբերում են թարգմանչական, տրանսպորտային, հյուրասիրության և հյուրանոցային ծառայություններին:
Ըստ պետական գնումների ARMEPS համակարգում առկա տվյալների՝ 2020 թվականի առաջին կիսամյակի դրությամբ Երևանի քաղաքապետարանը մեկ անձից գնումներ չի կատարել: Նախորդ տարվա նույն ժամանակահատվածում տվյալ ընթացակարգով քաղաքապետարանը կնքել էր 13 պայմանագիր, իսկ 2018 թվականի առաջին կիսամյակում՝ 101 պայմանագիր: 2020 թվականի երկրորդ կիսամյակում՝ օգոստոսի 10-ին մեկ անձի հետ կնքվել է 1 պայմանագիր: Պայմանագիրն արժեցել էր 85,000 դրամ:
Ըստ պետական գնումների ARMEPS համակարգում առկա տվյալների՝ 2020 թվականի առաջին կիսամյակի դրությամբ Երևանի քաղաքապետարանը մեկ անձից գնումներ չի կատարել: Նախորդ տարվա նույն ժամանակահատվածում տվյալ ընթացակարգով քաղաքապետարանը կնքել էր 13 պայմանագիր, իսկ 2018 թվականի առաջին կիսամյակում՝ 101 պայմանագիր: 2020 թվականի երկրորդ կիսամյակում՝ օգոստոսի 10-ին մեկ անձի հետ կնքվել է 1 պայմանագիր: Պայմանագիրն արժեցել էր 85,000 դրամ:
Ուսումնասիրելով տարբեր տարիների պետական գնումների ընթացակարգերի վերաբերյալ առկա տվյալները՝ ակնառու է դառնում, որ հեղափոխությունից հետո Երևանի քաղաքապետարանում մեկ անձից կատարվող գնումների պրակտիկան նվազել է թե՛ պայմանագրերի քանակով, թե՛ գումարային ծավալով: Օրինակ, եթե 2017 թվականին կնքվել է 120 պայմանագիր՝ ընդհանուր 289,109,415 դրամով, ապա 2019 թվականին կնքվել է 18 պայմանագիր 241,350,200 դրամով:
Հեղինակ՝ Լիլիթ Գրիգորյան
Հեղինակ՝ Լիլիթ Գրիգորյան
